Karya-Karya yang tidak menggunakan Bahasa Indonesia

Tatang Pahat

SDFK#Babut#

Nyatet jaman nu ngabelesat bari jeung sakarat
Basa tongérét ngabaéakeun kaséér poe
Nu nyirorot di betot sanékala tuluy

Meupeuskeun kamalayon beurang
Ku rupa-rupa kahariwang nu ngagedat na urat tarang

Dina kekenteng puhu peuting aing di bageakeun
Bulan jeung béntang nu ting kéléséd Silih kiceupan
Matotoskeun kaasih satukangen reueuk hideung
Bral geura ngajugjug lilingeran simpé?

Poma ulah jalir kana rupa peurih nu mépéndé haté
Da geuning kamelang kalah nurih lebah dada

Helmi Singarimbun

SDFK ^ Kabogoh Impian^
Hooaaaahhhh kuhayang geura patepung, “wilujeng obo..”

Abi Ceuceu

SDFK#?#
Aya nu keketok na panto rasa
Barang dibuka belengeh Kang Yusep imut, bari ngahiap...
"Hayu urang ramekeun SDFK ambeh haneutEun !!"

Rohendi Pandeglang

SDFK "Nyatu"
Beuh... paingan tingtrim atuh geun urang Baduy mah, ja nyatu ning sarerea.
Ari deungdeungeun di luar mah kapanan aya neda, nyondong tuang, aya dahar, jeung SILIH HAKAN.

Helmi Singarimbun

‎^KUKUPU PEUTING^

Kukupu peuting teu wasa hiber ti beurang
Tutas sapeupeuting, tlilu kumbang ngajak kumalayang.

Jaladara Nitis

SURTI

Sok sanajan salira nyumput di satukangeun semu.
Nyamuni ngabuni-ngabuni ku bungkusan seuri.
Nyai...! Akang leuwih surti.

Sok sanajan karep Salira, lir pucukna gunung dirurub ku halimun.
Lir dasar sagara kahalangan ku lambak nu umpalan.
Nyai...! Akang leuwih surti.

Tina sorot soca Salira,
Akang menang bewara.

Helmi Singarimbun

SDFK #Nagri Dongeng#

Unggal rek sarare, barudak di eta nagri dibacakeun carita nyata

Helmi Singarimbun

SDFK #Detoksifikasi#
Presiden miceun sagala kabeungbeurat jangji pasinina ka rahayat. Kiwari salirana bangun rada kuru.

Yuharno Uyuh

‎"Gedong sigrong tempat riungan wawakil urang hiji waktu bakal kahuruan." Ceuk Bah Ocim ka pamajikanana. "Gandeng ah, bosen nyarita nu karitu patut teh," Ma Emeh jamedud. "Is tong bosenan, sugan we nyata." Ma emeh ngaleos.

Helmi Singarimbun

SDFK #ON TIME#
Sim uing hayang dikubur sa-jam memeh ajal. Ameh teu telat asup ka sawarga.

Helmi Singarimbun

SDFK #P.O.H.O. #

Toéng gura-giru maké cawet. Ngarawél dompét ‘na saku calana. Kusiwel ngaluarkeun ratusan rébu dua lembar. Song diasongkeun ka wanoja nu bulucun di luhureun ranjang. Si Wanoja jung nangtung nyampeurkeun. Gaplok! Gaplok! Toéng dicabok sataker kebek, “Pan uing téh pamajikan sia toéééééng!!!”

Helmi Singarimbun

SDFK #ANAK TUKANG GORENGAN#

“Jang, waktu hidep ukur lima menit deui. Sakeudeung deui abah rék ngiderkeun dagangan. Kérétas soalna rék dipaké”, bah Dirja nyarita ka anakna.

Aki Balangantrang

SDFK #SONO#

Tembok-tembok beton nu tohaga
Gedong-gedong jangkung sakuriling bungking
Nyaksian rasa simpe nu nyaliara unggal peuting

Simpena hate di pangumbaran

Najan hirup dikota gede
Hate tetep ngait pageuh ka lembur
Lembur simpe suku gunung manglayang
Sono hariring tonggeret pasosore
Sono pasosore mapay jalan satapak
Ngaliwatan tangkal-tangkal pinus
nu teu weleh ngagupayan panineungan
...

Jakarta, September 2012

Rohendi Pandeglang

Daya

Kula menta didayakeun
Ka lembur tujuh lembur
Ka bale tujuh bale

Ka pasir tujuh pasir
Ka pamatang tujuh pamatang

Pang karasa irup jeung huripna
Pang kadeuleu aya jeung rampana
Pang nongtoreng denge jeung haliwuna
Pang kaambeu bau jeung hiliwirna

Kula ieu
Banten pakidulan
Tabe Pun.

Dedi Kadjo

Today is not yesterday
today and not tomorrow
nor the day after tomorrow is the day
today is not any other day
today it is to this day

this day will never be the same yesterday
today will not be the same as the next
today will not be the same as the day after tomorrow
today I'm alive still breathing . . .
who knows if tomorrow

Lies Tjandra Kancana Sudarma

SDFK # milu indit #

Ang,
Basa anjeun balik,
Hate kuring milu indit jeung anjeun
Asup ka kamar,
kuring ceurik.

Cucu Unisah

Jungjunan...
Geuning waktu teh siga dadali
nu ngapung nyuruwuk mapay jagat
ninggalkeun tapak sedih jeung kabungah.

Jungjunan...
Sihoreng hirup teh siga bola dunya
leuwih loba sagara cimata batan
daratan minangka bagjana

jungjunan
rasa nu katurih tiap mangsa
ayeuna atra, natra
lir relief jeung arca
nu ukur bisa ditempo
teu bisa dirasa

Ki Jante

SDFK #hiji waktu#

Urang tepang luhur méga
silih kait imut
sareng ngusapan warna kulawu

Sapertos kukupu silih udag
muteran mangpirang kembang warna-warni
nu mangkak di patamanan

atanapi sapertos japati
mébérkeun jangjangna nu bodas
ngaprak méga urang nu simpé

Ki Jante

SDFK #balebat#

kecap can tuntas ngoréhan rasa,
kitu deui teuteup can mernah tinemu eunteup.
Nanging Salira tos calik mungkas dina jangjang gupay,

nalimbeng.

crbn

Ki Jante

SDFK #Mei#

tiap tepung jeung anjeun,
girimis manis ngabageakeun rasa sono

jalan panjang nu ngembat
di punggel simpang

tembong deui gambaran turay tineung urang, Mei.

Samo Sutardi

SDFK #Sastrawan#

Baheulamah sastrwan sunda aya sapuluh ... lima yuta anu macana
Ayeuna sastrawan sunda aya sayuta ... lima yuta anu macana
Engke sastrawan sunda aya lima yuta ... lima yuta anu macana

Tungtungna sastrawan sunda aya lima yuta ... eeuweuh anu macana
pan barudakna oge geus darewasa ... teu bisa basa sunda teu ngarti sastra sunda
maracana buku buku sastra Inggris, Korea, Cina, Jepang jeung saeutik satra malayu